Полските земјоделци од утре ќе го завршат протестот на граничниот премин Медика со Украина, но возачите на камиони ќе ги продолжат блокадите на три други премини за Божик и ќе дозволат уште помалку камиони од порано да ја преминат границата.
Полските возачи блокираа неколку премини со Украина од 6 ноември, барајќи од Европската унија да го врати системот според кој на украинските компании им требаат дозволи за да работат во Унијата, а истото важи и за европските возачи на камиони кои сакаат да влезат во Украина.
Подоцна им се придружија и земјоделците кои побараа од Владата субвенции за пченка и да нема зголемување на даноците.
Роман Кондров, еден од водачите на земјоделците кои протестираат, по разговорот со министерот за земјоделство Чеслав Шекерски изјави дека протестот на Медика ќе биде прекинат од недела наутро до 2 или 3 јануари 2024 година.
Сепак, возачите на камиони рекоа дека ќе останат на границата за време на Божик и ќе пуштаат само еден комерцијален камион на секои три часа, наместо три на секој час.