Европската комисија денеска официјално го одобри ослободувањето на 137 милијарди евра (149 милијарди американски долари) од средствата на Европската унија задржани од Полска поради загриженоста за владеење на правото.
Парите доаѓаат од два извора: 76,5 милијарди евра од буџетот за развој контролиран од комисијата и речиси 60 милијарди евра од фондот за закрепнување по Ковид.
Последната сè уште треба да биде одобрена од земјите-членки на ЕУ.
Комисијата го прекина финансирањето на Полска во 2022 година, со образложение дека судските реформи донесени од тогашната актуелна влада ја компромитираат судската независност.
Новата полска влада, предводена од поранешниот претседател на Европскиот совет, Доналд Туск, ги поништува тие промени во обид да ги усогласи стандардите на ЕУ и да го врати пристапот на земјата до буџетот на ЕУ.
Вкупниот износ од 137 милијарди евра ги вклучува и заостанатите плаќања што беа блокирани и исплатите доспеани во следните неколку години, кои исто така ќе беа блокирани доколку Комисијата не одлучеше да го врати финансирањето на Полска.
Претседателката на Комисијата, Урсула фон дер Лајен објави дека одлуката е донесена на брифинг за новинарите во петокот во Варшава.