Уставниот суд на Словачка запре некои од големите измените во Кривичниот законик усвоени од Владата за да се намалат казните за корупција и измами.
Словачкиот Уставен суд соопшти и дека ги отфрлил другите приговори на словачката претседателка Зузана Чапутова и опозицијата. Тоа значи дека ќе се реализира планот за затворање на Специјализираното обвинителство кое се занимавало со тешки кривични дела, вклучително и корупција на високо ниво.
Измените изгласани од коалицијата на премиерот Роберт Фицо, ја вознемирија опозицијата, а Европската комисија и Европското јавно обвинителство изразија загриженост.
Критиките се фокусираа на недостатокот на широка дебата, значителното намалување на казните за финансиски криминал и намалување на застареноста што трајно ќе стави крај на тековните истраги, дури и ако законот е во сила само еден ден.
Уставниот суд не ја поништи планираната реформа за затворање на Специјализираното обвинителство, кое поднесе кривични предмети против високи државни службеници и политичари од партијата Насока-социјална демократија на премиерот Фицо.
Таквата одлука значи дека на 15 март неодобрените делови од реформата нема да стапат во сила, бидејќи ќе чекаат натамошно разгледување во Уставниот суд, кое може да трае со месеци. Во таков случај, Уставниот суд постапува експедитивно за да може да донесе одлука пред да стапи во сила изменетиот закон.