Пратеникот на Социјалдемократската партија (ПСД) Жозе Педро Агиар-Бранко е избран за претседател на португалското собрание.
По трите неуспешни обиди за избор на претседател, Социјалистичката партија (ПС) и ПСД, партиите со најмногу избрани пратеници на изборите одржани на 10 март, постигнаа договор за споделување на раководството на португалскиот парламент.
Денеска за време на четвртиот круг на гласање, Агиар-Бранко освои 160 гласа во парламентот со 230 места.
Правилникот на португалското собрание одредува дека претседателот на парламентот се избира на првата пленарна седница на законодавниот дом со апсолутно мнозинство.
Агиар-Бранко е адвокат и претходно беше министер за правда и министер за национална одбрана.