Актуелниот генерален директор за земјоделство, рибарство, социјални работи и здравство во Генералниот секретаријат на Советот на ЕУ, Чезаре Онестини е именуван за нов раководител на Генералниот директорат за организациски развој и услуги (ДГ ОРГ) на Унијата.
Како што соопшти денеска Советот на ЕУ, Италијанецот Онестини ќе ја преземе должноста генерален директор на ГД ОРГ на 1 јануари 2025 година, кога актуелниот директор Вилијам Шапкот заминува во пензија.
До именувањето на нов генерален директор за земјоделство, рибарство, социјални работи и здравство во Генералниот секретаријат на Советот, Онестини ќе продолжи да ја извршува оваа должност.
Генералниот директорат за организациски развој и услуги (ДГ ОРГ) на Советот на ЕУ е одговорен за организациски активности и услуги за поддршка, како протокол, организација на собири, човечки ресурси, логистика, финансии и обезбедување.