Во поголемите градови во Германија, работниците постепено се враќаат во канцелариите, иако нивото пред пандемијата се уште не е достигнато. Ова го посочуваат резултатите од студијата на компанијата за услуги за недвижнини Џонс Ланг ЛаСал.
Според извештајот, вработените во Берлин, Хамбург, Минхен, Келн, Франкфурт, Дизелдорф и Штутгарт работат во нивните канцеларии околу 3,6 дена во неделата. Ова е значително над 3,2 дена неделно во 2023 година, но под просекот пред пандемијата од 4 дена канцелариска работа неделно.
Пополнетоста на канцелариите во седумте градови сега е 72 проценти – се уште е под нивото од 79 проценти забележано пред пандемијата да ја парализира глобалната економија во 2020 година и да ги промени навиките за работа од дома.